Janë zbardhur detaje nga aksidenti që ndodhi sot në Tiranë, ku një oficer i Patrullës së Përgjithshme u përplas nga një makinë. Mësohet se, shkak i kësaj duket se është bërë gjobëvënia që iu është vendosur autorit për parkim të gabuar.
Efektivi gjatë ushtrimit të detyrës i ka vendosur një gjobe një automjeti që ishte parkuar gabim dhe në atë moment një person ka dalë nga lokali ku po qëndronte dhe ka kundërshtuar me forcë punonjësin e policisë duke e goditur dhe e shtyrë. Si pasojë efektivi është rrëzuar dhe ka rënë në bordurë dhe si pasojë ka thyer këmbën. Punonjësi i policisë ndodhet në spital jashtë rrezikut. Ndërkaq, bëhet me dije se policia ka bërë të mundur ndalimin e autorit.
