Sekretarja e PDIU, Mesila Doda ka qenë e ftuar në mbrëmjen e sotme në emisionin Open, ka replikuar me ministren e Shtetit për Marrëdhëniet me Parlamentit Elisa Spiropali, teksa flisnin për përgjimet e sotme të Bild.
“Meqë e nise kështu, duhet unë të kthehem kështu, si nuk ju vjen turp për këtë çorbë që keni përfshirë sa e sa persona. Me drejtorë, prokurorë, shefa policie e mësues”, tha ndër të tjera Mesila Doda ndërsa kërkoi prej Spiropalit një përgjigje se çfarë priste më qeveria që nuk dorëhiqej, përgjigje që nuk e mori.
Në fund të emisionit “Open”, Elisa Spiropali nuk ka pranuar të marrë pyetje nga Mesila Doda.
Doda i është kthyer se kisha një pyetje, por Spiropali i është kthyer se nuk pranoj pyetje nga ti, por vetëm nga zonja Vasili.
Pjesë nga debati:
Doda: Meqë e nise kështu, duhet unë të kthehem kështu, si nuk ju vjen turp për këtë çorbë që keni përfshirë sa e sa persona. Me drejtora, prokurorë, shefa policie e mësues
Spiropali; Verifikojeni zonja Doda, se do ju dali një tjetër prokuror
Doda: Vladimir Mara është kunat i… dhe nxirre një pamje timen meqë është kështu
Spiropali: Njëra nga ne të dyja do flasi zonja Vasili, zgjidhe kush
Doda: Është turp i madh kjo që po ndodh, para kësaj ishin Avdylajt, tani kemi një grup tjetër. Si ka mundësi, çfarë do ndodhi më që ju te jepni dorëheqjen
Spiropali: Me zë dhe me figurë zonja Doda ka dalë…
Doda: Me zë pra me zë, keni korruptuar gjithë sistemin, mësues, drejtora, shefa policie e prokurorë që kanë lidhje me ata që përmenden aty. Prandaj kërkohet garanci, ndryshimi i qeverisë.
Spiropali: Unë nuk kam përgjigje për zonjën Doda se deklaratat e saj i dëgjoj sa herë është në studion tuaj.
