Pas më shumë se dy orësh ka përfunduar takimi mes delegacionit të Lëvizjes Vetëvendosje dhe të Lidhjes Demokratike të Kosovës.
Ende nuk bëhet me dije nëse ky takim, që mendohej të jetë vendimtari, është arritur ndonjë marrëveshje për formimin e Qeverisë.
LDK e Vetëvendosje janë kthyer në tavolinën e bisedimeve për të arritur marrëveshjen për Qeverinë, për formimin e së cilës lideri i VV-së, Albin Kurti ka kohë deri më 4 shkurt.
Takimi i sotëm kishte nisur në 16:30 në Kuvendin e Kosovës ka përfunduar para pak çasteve. Zyrtarët e lartë të dy partive që morën pjesë në takim kanë dalë nga Kuvendi pa folur para mediave, raportojnë mediat në Kosovë.
