Kreu i PD Lulzim Basha ka foluar para mediave në fund të kësaj mbledhje, duke thënë se opozita do të ofrojë planin e saj për daljen nga kriza ekonomike.
Ai u shpreh se në fokusin e PD-së është e ardhmja, ndaj opozita është e vendosur që të paraqesë platformën ekonomike kudo në Shqipëri.
“Sfida më e madhe e çdo familje, e çdo shqiptari, është kriza ekonomike. Kjo krizë nuk mund të zgjidhet nga ta që zhvatën Shqipërinë. Ndaj e gjithë vëmendja jonë është tek e ardhmja. Ndaj PD dhe opozita e bashkuar janë të vendosur të paraqesin platformën ekonomike kudo në Shqipëri. Ne do t’i fitojmë zgjedhjet, do të kemi në fokus ringritjen ekonomike. Ky do të jetë përqendrimi i gjithë energjive tona. Do përqendrojmë gjithë energjinë tonë te fitorja e zgjedhjeve të ardhshme dhe zgjidhja e krizës së rëndë ekonomike, duke iu ofruar planin tonë shqiptarëve, për t’u kthyer ekonominë atyre”, tha Basha.
