PDIU uron Albin Kurtin për fitoren: Kosova, leksion demokracie për të gjithë rajonin (foto)

Partia Drejtësi Integrim dhe Unitet ka përshendetur sot zgjedhjet e parakohshme që u zhvilluan gjatë ditës së djeshme në Kosovë.

Nëpërmjet një deklarate për mediat, PDIU thekson se dita e djeshme ishte një leksion demokracie për të gjithë rajonin.

PDIU uron Vetëvendosjen dhe Albin Kurtin për fitoren në zgjedhje, si dhe shpreson të rikthejë tek qytetarët e Kosovës shpresën dhe besimin.

Deklaratë për media e PDIU:

Sot Kosova u zgjua plot shpresë pas një leksioni demokracie për të gjithë rajonin.

KOSOVA INSIPIRIM QË PRANVERA SHQIPTARE SË SHPEJTI DHE NË TIRANË.

Urime VETVENDOSJES dhe Albin Kurtit për fitoren në zgjedhje dhe lus nga zemra që ai të rikthejë shpresën dhe besimin tek qytetarëte Kosovës e sa me shpejt Kryeministër.  Kosova Republika më e re na dha të gjithëve një leksion demokracie:

1. Zgjedhjet e parakohshme nuk janë fundi i botës, por ushtrim demokracie e zgjidhje për Krizat politike. Politikanët vënë atdheun mbi karriken e pushtetit.
2. Zgjedhje të lira të drejta e të barabarta dherezultat i nxjerrë brenda 4 orësh. Kujtojmë votimet moniste të 30 Qershorit, Rilindja garonte e vetme numëronte e vetme dhe ju desh 1 muaj të shpallte rezultatin Zgjedhor e të rakordonte shifrat.
3. Respektimi i zgjedhjeve të lira e të ndershme e të barabarta janë produkt i respektimit të vullnetit të qytetareve nga politika e jo i Kodit Zgjedhor.
4. Demokracia funksionale duhet ndërtuar çdo ditë kundrejt mentalitetit autoritaris.

Kosova është e para!

Shqipëria e bashkuar është e para!