Kryetari Shpëtim Idrizi, ligjvënësja Mesila Doda, si dhe deputetë e zyrtarë të tjerë, takim me qytetarë të Peqinit
Dega e PDIU-së në Peqin organizoi një takim masiv me zyrtarët më të lartë të kësaj partie dhe qytetarët. Kryetari i PDIU-së, Shpëtim Idrizi, ligjvënësja Mesila Doda, si dhe deputeti i qarkut Elbasan, Aqif Rakipi, ishin të pranishëm në këtë aktivitet për anëtarësimet e reja në PDIU.
Idrizi ka shprehur entuziazmin për praninë e madhe të qytetarëve në këtë takim dhe për anëtarësimet masive kryesisht të të rinjve dhe grave në PDIU. Ai ritheksoi se PDIU është partia e të gjithë shqiptarëve dhe do të luftojë pa rreshtur për të ulur varfërinë që ka pllakosur mbarë vendin. Të pranishëm në këtë takim ishin qytetarë të grupmoshave të ndryshme dhe veçanërisht zonja.
Në emër të përfaqësisë të gruas përshëndeti Edlira Elezi, e cila përgëzoi përfshirjen e femrës në këtë parti. Për të rinjtë e PDIU-së, foli kryetari i tyre për Peqinin, Elton Hallulli, i cili vleresoi mbeshtetjen dhe vullnetin e te rinjve Peqinas në antarësimin në këtë parti. Deputetja Mesila Doda foli për praninë e shtuar të grave në PDIU, por edhe të rinjve. Ajo përshëndeti qytetarët e Peqinit, duke i falenderuar për pjesëmarrjen masive në këtë takim dhe anëtarësimet e shumta në këtë parti. E pranishme ishte kryetarja e grave të PDIU-së, Vjollca Braho foli për angazhimin domethënëes 
të grave në këtë parti. Deputeti Tahir Muhedini përshëndeti të pranishmit duke garantuar se PDIU do të jetë ndër forcat politike më të rëndësishme në Shqipëri, pasi në zgjedhjet e ardhshme do të ketë rezultate shumë më të larta.
Deputeti i qarkut Elbasan, Aqif Rakipi falenderoi qytetarët për mbështetjen duke garantuar se PDIU do të vazhdojë të jetë në shërbim të tyre. Ai shprehu bindjen se në zgjedhjet e afërme parlamentare, rezultati i PDIU-së do të dyfishohet në Qarkun e Elbasanit.
