Partia për Drejtësi Integrim dhe Unitet nuk ka votuar sot qeverinë.
Në rrëmujën e madhe të krijuar gjatë votimit të ndryshimeve në qeveri nuk është vënë re që Shpëtim Idrizi dhe deputetë të tij nuk votuan për ndryshimet në kabinetin Rama.
Në fakt, këto ndryshime kanë ndodhur në mënyrë të rrufeshme dhe kryeministri nuk është këshilluar me një nga aleatët e tij të rëndësishëm në koalicion.
Prej kohësh PDIU është e pakënaqur me qasjen e diplomacisë shqiptare për çështjen çame, mungesën e presionit mbi Athinën për ligjin e luftës dhe faktin e nënshtrimit për varrezat e ushtarëve grekë të luftës italo-greke, ndërkohë që nuk ka një përgjigje për ngritjen e varrezave të çamëve të vdekur gjatë genocidit të 27 qershorit 1944. PDIU nuk ka fshehur zhgënjimin ndaj ministrit të Jashtëm, Bushati, i cili nuk pranoi të bëjë një notë proteste ndaj Athinës pas një konference të organizuar në Ministrinë e Jashtme Greke për Vorio Epirin, term ky irredentist.
Një tjetër e votës së munguar për qeverinë është mosshqyrtimi i projektligjit Idrizi-Doda për heqjen e dekoratave Enver Hoxhës dhe krimineëlëve të tjerë të komunizmit.
PDIU kërkon një portofol në qeveri, ndërsa implementimi i marrëveshjes mes mazhorancës dhe PDIU po ecën me hapët e breshkës si në nivel vendor, ashtu edhe në atë qendror.
Duket kjo situatë politike e pazakontë, ka shtyrë PDIU që mos të votojë qeverinë. Mbetet për t’u parë si do të perceptohet ky sinjal nga kreu i shumicës, Edi Rama.
