Sot, Lulzim Basha do të dorëzojë në Komisionin Qendror të Zgjedhjeve listën e koalicionit opozitar, madje mësohet dhe emri i këtij të funit.
Opozita do të kandidojë përballë PS së Edi Ramës, me koalicionin “Shqipëria Fiton”. Mësohet se aleatët do të shkojnë sot në selinë e Partisë Demokratike për të firmosur.
E mërkura është afati i fundit për Lulzim Bashën që do të dorëzojë në KQZ, listën e koalicionit opozitar dhe emrin, që tashmë është zgjedhur.
Të gjithë partitë që do të jenë në koalicion me PD janë regjistruar në KQZ, por emrat e kandidatëve të tyre do të jenë të përfshirë në listën e Partisë Demokratike dhe do të bëhen publike në 5 mars.
