Sekretari i Përgjithshëm i Partisë Demokratike, Gazment Bardhi ka dalë në konferencë pak minuta
përpara fillimit zyrtar të protestës përpara Kryeministrisë.
Lidhur me deklaratat e bëra nga Ambasadat e huaja në vendin tonë, Bardhi theksoi se PD është angazhuar vetëm për protestë paqësore, ndërkohë që dhunën e konsideroi mjet të Qeverisë së Edi Ramës.
“Akuzat e Ministrisë së Brendshme se PD ka shpërndarë bomba molotov, janë një sajesë e
neveritshme që synon përplasje, konflikt dhe frikë te qytetarët. PD ka thirrur sot një marshim
protestë kundër dhunës për Shqipërinë si gjithë Evropa. PD është angazhuar vetëm për protestë
paqësore. Ajo ka refuzuar dhunën dhe bashkëpunimin me krimn e organizuar për të ardhur në
pushtet. Ne i kërkojmë Prokurorisë të zbulojë kush janë autorët e këtij akti të shmëtuar dhe t’i vërë përpara drejtësisë”, theksoi Bardhi.
Protesta e opozitës pritet të fillojë në 18:30 përpara Kryeministrisë.
