Basha: Votojmë vetëm draftin që përputhem me rekomandimet e Komisionit të Venecias
Partia Demokratike nuk do ta votojë draftin e qeverisë për Byronë e Hetimit nëse nuk përputhet me rekomandimet e Komisionit të Venecias. Ky është qëndrimi i publikuar nga kryetari i kësaj partie Lulzim basha, pak çaste pasi qeveria miratoi projektligjn për Byronë Kombëtare të Hetimit.
Basha u përqëndrua në pikën për varësinë e këtij ionstitucioni duke theksuar se Byroja nuk duhet të varet nga qeveria. “Që nga dita ku ra poshtë kjo ide e çmendur për të future nën sqetull hetimin penal ata e flakën në kosh për muaj me radhë projektin e Byrosë Kombëtare të Hetimit. Kjo si një byro jashtë kontrollit të tij dhe levave të tij nuk i interesonte, madje ju prishte planin, qetësinë dhe gjumin.
Nëse është version i Byrosë nën prokurorinë siç e parashikon Venecia në rekomandimin e saj 90, nëse po i janë përgjigjur ftesës tone, i përgëzojmë dhe jemi gati të bashkojmë votat tona që nesër. Nëse jo, atëherë ky është një truk për të fituar kohë dhe për ti hedhur hi syve publikut dhe institucioneve ndërkombëtare. Të njëjtën lojë është përpjekur të bëjë dhe me reformën në drejtësi”, tha Basha.
