Astrit Patozi ka komentuar sot gjatë një interviste televizive i zhvillimet më të fundit dhe ecurinë e Partisë Demokratike. Patozi shprehet se vendi ynë sot ka nevojë për një opozitë të moderuar që të jetë e ndryshme nga foltorja. “Duhet opozitë e moderuar, vetëm kështu shqiptarët të cilët nuk besojnë më në perspektivën politike ose vizionin e Berishës dhe kanë nevojë për një tjetër opozitë të ndihen të përfaqësuar. Dhe vetëm nëse kjo ndodh ose del si alternativë Shqipëria ka mundësi për një rrotacion politik”, tha ai.
Patozi më tej shprehet se Berisha është përgjegjës për të gjitha aktet politike të ndërmarra nga Lulzim Basha pasi i ika miratuar ato. Duke përmendur largimin nga lista të shumë deputetëve të njohur, Patozi tha se Berisha dhe Basha duhet të japin llogari para demokratëve
“Për të gjitha aktet ekstreme dhe radikale të Lulzim Bashës kanë patur nga mbrapa bekimin dhe shtytjen e Sali Berishës. Këtu përfshihet edhe lista e 2017-ës dhe skam asnjë dyshim për këtë” shprehet Patozi. Ndërsa tha se përplasjet mes tyre kanë qenë vetëm luftë për karrige.
