Komuniteti i partnerëve ndërkombëtarë të Shqipërisë dhe organizata ndërkombëtare si OKB, Ambasada Amerikane, ambasada e BE, OSBE, Banka Boterore, Ambasada italiane, gjermane, suedeze i kanë bërë thirrje popullit tonë të respektojnë masat e vendosura ndaj Covid-19.
Përmes një mesazhi të përbashkët, ata shprehin mbështetjen e tyre për ta kaluar këtë krizë, duke e cilësuar si një moment solidariteti.
Ndër të tjera bëjnë apel shqiptarëve për të mbrojtur të prekurit dhe për t’u kujdesur për njëri-tjetrin.
Ne kemi një mesazh për ju:
Mos hamendësoni se nuk do të prekeni. Përgatituni sikur do të prekeni. Respektoni masat e marra, mbroni veten dhe të dashurit tuaj, mbani distancën shoqërore, qëndroni në shtëpi dhe lani duart shpesh.
Ne dëshirojmë që ju të qëndroni të sigurt, të shëndetshëm dhe të mos prekeni nga Koronavirusi. Lexoni informacione të besueshme nga Organizata Botërore e Shëndetësisë – OBSH dhe Ministria e Shëndetësisë dhe kontribuoni në ndërtimin e besimit. Mbroni të prekurit dhe kujdesuni për njëri-tjetrin.
Ky është një moment që kërkon solidaritet. Ndërsa shumica jonë gjendemi të sigurt në shtëpi, mirënjohja jonë më e thellë shkon për të gjithë punonjësit e shëndetësisë, policisë, autoriteteve kufitare, autoritete lokale dhe shumë nga njerëzit tanë që janë në vijën e pare të luftës, duke shpëtuar jetë dhe mundësuar funksionimin e shoqërisë. Faleminderit nga zemra!
Së bashku mundemi t’a mposhtim Covid-19.
#StayAtHome #QëndroniNëShtëpi”
