Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Partizani i Agostinelit mbetet në klasë

Nga 27-shi 0

Aty ku e nisi, duket se edhe e përfundoi aventurën e tij sezonale për të fituar ndonjë titull në kampionatin shqiptar. Trajnerit Agostineli tashmë pothuajse i janë zvenitur shpresat për të mbajtur ritmin e Skënderbeut. Kur mbërriti në Shqipëri, tekniku italian pësoi fillimisht një humbje 3-0 në Laç, në një ndeshje të vlefshme për kupën e Shqipërisë, ndërsa në takimin e kthimit nuk ia doli të përmbyste rezultatin dhe u eleminua nga kompeticioni. Sot po në Kurbin, këtë rradhë një ndeshje delikate për kampionat dhe sërish nuk ia del, por vetëm 0-0. Dhe mbi të gjitha një ndeshje për t’u harruar, ku skuadra e kuqe nuk kishte as fantazi, por as forcë për të gjetur avantazhin. Mundësitë matematike ekzistojnë ende për të vazhduar garën për titullin e madh, por duket se mundësitë llogjike janë për vetëm një vend në Europa League në sezonin e ardhshëm, ndoshta pak duke krahasuar arritjen minimale me investimet e tanishme në klubin e kuq. Në të kundërt, gjithçka po shykon shumë mirë për skuadrën e Kukësit, e rilindur totalisht në këtë fazë të kampionatit. Në gjashtë ndeshjet e fundit, ekipi i drejtuar nga Klodian Duro ka barazuar vetëm një, ndërsa pesë të tjera i ka fituar, duke përfshirë edhe të sotmen në transfertën e vështirë të Ballshit. Goli i parë u shënua që në të 18’, nga futbollisti kroat Matija Dvornekoviç, ndërsa në të 37’ Erik Flores shfrytëzon një pasiguri të portjerit vendas Stivi Frashëri dhe i jep goditjen e fundit Bylis, që për t’i shpëtuar rënies tashmë i duhen përpjekje titane.

 

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej