Shtyhet ndeshja Mançester Junaited – Burnemath, ndërkohë që policia ka konfirmuar që ka kryer një shpërthim të kontrolluar
Alarm për bombë në stadiumin e Mançesterit, “Old Traford”, që është evakuuar nga policia në prag të ndeshjes Mançester Junaited – Burnemath. Pas kërkimeve policia gjeti një celular të lidhur me një tub gazi në një banjo në zonën “North West Quadrant” të impiantit dhe ndeshja u shty për arsye sigurie. Fillimisht u mendua që takimi të shtyhej për 40 minuta, por më pas u vendos që të luhet në një datë tjetër. Më pas, policia e Mançesterit ka konfirmuar në Twitter: “Në ambjentet e brendëshme të “Old Traford” është kryer një shpërthim i kontrolluar nga ekspertët”. Ndërkohë që Junaited e ka humbur mundësinë për të marrë pjesë në Champions sezonin e ardhshëm, pasi qytetin do ta përfaqësojë Siti, që barazoi 1-1 në Uells ndaj Suonsi Sitit. E vetmja mundësi që skuadra e Van Gal të zbresë një pozicion më poshtë skuadrën tjetër të Mançesterit është të shënojë 19 gola në ndeshjen e prapambetur.
