Nënkryetari i Partisë Demokratike, Edi Paloka në një deklaratë për media akuzoi kryeministrin Edi Rama se njerëzit e tij menaxhojnë çdo plantacion të mbjell me lëndë narkotike në vendin tonë.
Paloka pohoi se sot PD se disponon të dhëna të reja për hartën e drogës.
Nga ana tjetër ai përmend disa drejtues të policisë që kanë lidhje me trafikun e drogës dhe se kanë marrë para në këmbim të heshtjes dhe lejimin e kësaj veprimtarie të paligjshme. Sakaq, në emër të selisë blu Paloka theksoi se në Tiranë, zona e Selitës është e mbulur me kanabis, ndërsa problematikë ngelet edhe qarku i Beratit.
Paloka akuzoi drejtorin e SHISH duke thënë se ai është paguar 270 mijë euro që të mos raportojë parcelat me drogë. Gjithashtu akuza të forta hedh dhe për drejtorin e policisë së Qarkut Lezhë pasi sipas tijë Dritan Lena u hetua nga shërbimi i kontrollit të brendshëm dhe rezultoi se kishte marrë shuma parash nga një grup trafikantësh të drogës që kishin tre parcela hashashi në zonën e Zall Bastarrit.
Vendet që PD pretendon se janë mbuluar me kanabis janë: Çara e Selitës, përballë Qaf Mollës, Pranë varrezave të Shish-Tufinës, në liqenin e Kollogjesht – mali Dajt, në “Zallbastar” dhe “Zgurë”, në Ersekë, në zonën e Selcës në Tepelenë, Fshati Bubës 1 – Përmet, Bubës 2- Këlcyrë – Ballaban
Sipas nënkryetarit të Partisë Demokratike, për të vaditur kanabisin merret dhe uji i pishëm i Selitës .
PD raportohen 150 mijë deri në 200 mijë rrënjë.
