Reagon Tahiri: Doni Byronë? Dilni dhe thoni çfarë qendrimi zyrtar keni për ish- ministrin tuaj të arrestuar
Kryetari i grupit Parlamentar të PD-së, Edi Paloka, i kërkoi kryeministrit Rama dh mazhorancës të sqarojnë opinionin publik, pse e kundërshtojnë miratimin e Byrosë Kombëtare të Hetimit. Në fjalën e tij në parlament, Paloka tha: “Për Byronë sqaroni njerëzit. Gjykata Kushtetuese e hodhi poshtë sepse ishte ashtu sic thamë ne. Prandaj u ra dakord për një formë tjetër të projektligjit. Ne qëndrimet tona i kemi pasur të qarta për luftën kundër korrupsionit”, tha Paloka.
Në përgjigje të tij, ministri i Brendshëm Saimir Tahiri, tha se opozita ndryshe bën në letra, ndryshe bën në podium partiake dhe ndryshe në kuvend. “Lufta kundër korrupsionit nuk është fjalim por është veprim konkret. Çfarë qendrim zyrar keni për ish ministrin tuaj të arrestuar. Doni Byronë? Dilni dhe thoni kush është qëndrimi tuaj për kryetarin e bashkisë Kamzë, kush është qëndrimi juaj për ish drejtorin e Hipotekes në Sarandë? Doni Byronë e hetimit? Le ta cojmë premtimin tone përpara, ka qenë angazhimi i kryeministrit. Ju edhe pas vendimit të gjykatës Kushtetuese nuk keni marrë pjesë në asnjë diskutim”, tha Tahiri.
