Omicron/ Mjeku: 3 javët e ardhshme do ketë rritje infektimesh

0
188

Mjeku pneumolog Ardian Jorgji ka deklaruar se vaksina kundër COVID nuk të mbron nga gripi. Sipas tij, kjo është arsyeja që në javët e fundit kemi pasur rritje të shtrimeve në urgjenca. Madje ai shtoi si  duhet të shihet si shqetësim fakti që shumë pacientë  preferojnë të trajtohen në shtëpi dhe shpesh kjo rëndon situatën.

“Këtë vit gripi jep kontribut për keq në të gjithë botën sepse vaksinimi ndaj gripit ka qenë më i pakët. Nga ana shkencore nuk është e provuar të thuash se bën vaksinën e COVID dhe je i mbrojtur dhe nga gripi. Rastet me COVID janë shtuar. Sa i përket numrit të rasteve të shtruar në spital në vendin tonë ka dhe një karakteristike tjetër. Ka plot njerëz që zgjedhin të trajtohen në shtëpi. Këtë numër s’mund ta neglizhojmë.  Në rastet e rënda nuk mjafton vetëm terapia, duhet edhe mjeku në kokë. Në ditët e para rekomandoj vetëm vitamino-terapi. Në ditët e para asgjë tjetër përveç vitamino-terapisë”, tha Jorgji.

Sipas mjekut do të ketë rritje infektimesh edhe 3 javët e ardhshme. Mjeku tha se në këto kushte vaksinimi është shumë i nevojshëm, por nuk është zgjidhje përfundimtare kundër virusit.