Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Një tjetër komisionere e vetting-ut kallëzohet në SPAK (dokumenti)

Nga 27.al 0

Sot, është depozituar një tjetër kallëzim në SPAK për një komisionere të KPK-së.

Alma Fasko është kallëzuar si e dyshuar për kryerjen e veprës penale të “Fallsifikimit të Dokumentave” parashikuar nga neni 186 i Kodit Penal. Kallëzuesja, një ish-gjyqtare ka kërkuar njëkohësisht dhe pezullimin e Alma Faskos nga detyra si Komisionere nga KPK-së.

Siç edhe kemi shkruar më parë kjo anëtare e KPK-së sipas shkresës numër 2056/1, protokolluar në datën 07.05.2020 të Këshillit të Lartë Gjyqësor rezulton të jetë shkarkuar nga KLD me vendimin numër 08 të datës 23.08.1996. Ajo është ish-Gjyqtarja e Gjykatës së Rrethit Gjyqësor Lushnjë, zonja Alma Vokopola (Faskaj).

Referuar kësaj shkrese është bërë dhe kallëzimi për këtë komisionere të vetting-ut. Duket se rrethanat e emërimit të saj në detyrë me këtë masë të rëndë disiplinore janë bërë shkak dhe i dyshimeve të forta që kjo shteatse jo vetëm e ka marrë në kundërshtim me ligjin dhe kriteret e parashikuara në Kushtetutë këtë detyrë, por dhe ka paraqitur rrethana të pasakta duke fshehur këtë fakt. Masa e shkarkimit nga detyra nuk shuhet dhe nuk fshihet (neni 150 i ligjit nr. 96/2016 “Për statusin e Gjyqtarëve dhe Prokurorëve”).

Pra, kallëzimi i bërë sot për këtë shtetase me funksion komisionere pranë KPK-së sjell dhe njëherë në vëmendje të publikut mënyrën se si janë zbatuar kriteret e parashikuara në Kushtetutë e ligj për emërimet në organet e reja të drejtësisë.

Tani fjalën e ka SPAK-u, të na informojë në lidhje me ecurinë e hetimeve të këtij kallëzimi. E presim me padurim të inagurojë dhe logon e re SPAK-u me njoftimin se si do jetë fati i këtij kallëzimi.

          

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej