Një efektiv policie është shpallur në kërkim, ndërkohë që dy persona të tjerë janë arrestuar lidhur me kultivimin e 17. 550 bimëve të dyshuara si narkotike në fshatin Qinam-Radovickë të Kolonjës.
Sipas organit të akuzës, oficeri i Policisë së Komisariatit Kolonjë, Edvin Meko, rezulton të jetë kultivues i drejtëperdrejtë i lëndës narkotike, si edhe bashkëpunetor me disa kultivues të tjere në zonë të cilët janë identifikuar nga një hetim i Prokurorisë së Korçës dhe ndaj te cileve gjykata ka caktuar masën e sigurise “arrest ne burg”.
Prokuroria bën të ditur se oficeri i policise, Edvin Meko, bashkë me familjarët e tij, ka mbjelle dhe kultivuar disa parcela me kanabis ne disa zona malore te Ersekës.
Pranë parcelave te familjareve te tij kishin mbjellë lëndë narkotike edhe shtetasit Krenar dhe Mariglen Nuredini.
Oficeri i policisë u kishte dale garant këtyre dy shtetasve se do t’i njoftonte në rast se do të kishte operacione policore në atë zone.
Në vijim të operacionit është bërë edhe arrestimi i Jorgo Kristali, 44 vjeç dhe Gramoz Bejko, 45 vjeç, të dy banues në Tiranë.
Bëhet e ditur se ndalimi i tyre u bë, në bazë të vendimit nr 341 dhe nr 342, të Gjykatës së Rrethit Gjyqësor Korçë, e cila ka caktuar për ta masën e sigurisë “Arrest me burg” për veprën penale: “Kultivimi i bimëve narkotike” kryer në bashkëpunim, parashikuar nga neni 284/2 i Kodit Penal.
