Nga Ylli Dylgjeri
Një dhuratë për Herr Borchardt…
Pas qëndrimeve prej mantenute të Shefit të OSBE-së në Tiranë Borchardt, u kujdesa t’i bëj një dhuratë. Dhe e gjeta me mundim, një send që do t’i përshtatet. Ja, një skafandër po i dhuroj, pavarësisht kokës së madhe që ka ky autoritet mëndjevogël, që po “drejton” misionin prestigjioz të Sigurimin dhe Bashkëpunimin Europian. Meqënëse bashkëpunimi i këtij kllouni politik është thellësisht i njëanshëm, (kujtoj këtu dhe një dalje të hershme nga zyra e ministrit të Brendshëm Tahiri, ku nuk mugoi servilizmi) po i dhuroj këtë send mbrojtës për të marrë pjesë në protestat e radhës të Opozitës në Bulevardin “Dëshmorët e Kombit”. Po ia dhuroj për të parë nga afër publikun e revoltuar nga qeverisja e mbrapshtë e Edi Ramës.
I them njëkohësisht:
Mos kij frikë nga dalja në publik! Nuk është hera e parë që një Shef i OSBE del të shohë nga afër protestat. Më mirë dil, se edhe po t’u dogjën leshrat e verdha nga fishekzjarët, shpërblim do marrësh nga Vjena.
I pari Juaj, që ka dalë në bulevard ka qenë Dan Everts. Ishin vitet ’90 dhe Komandant i Gardës së Republikës ishte i nderuari Dane Binaj.
Kujtoj që edhe asokohe kam shkruar një artikull me Titullin: “Dy Danet e bllokut”. Danja i OSBE-së u bë aq i afërt me ushtarët sa më shpejt zbatoheshin urdhërat e Dan Everts-it se ato të Komandant Dane Bines…!
Por, ngjarjet thonë se kur përsëriten në histori bëhet komedi për herë të dytë.
Merre e ta gëzosh skafandrën o Herr Borchardt!
Te sheshi na ke…
