Ish presidenti dhe kryetari i Këshillit Kombëtar të PD, Bujar Nishani ka komentuar gjendjen aktuale në Shqipëri dhe përplasjet në mes presidentit, Ilir Meta dhe kryeministrit shqiptar, Edi Rama.
Në një intervistë për “KosovaPress”, Nishani deklaron se “Degradimi i një ekuilibri në mes funksioneve të institucioneve që veprojnë në Shqipëri, shtetin shqiptar e ka çuar drejt një krize të madhe institucionale, politike dhe ekonomike, të cilën asnjëherë nuk e ka pasur deri tani. Ndërsa, çdo nënvlerësim i përgjegjësisë mund të sjellë situata të rrezikshme”.
Lidhur me situatën e krijuar në shtetin shqiptar ish-presidenti, Bujar Nishani e cilëson gjendjen në vendin tonë si tejet kritike, ndërsa shton se një neglizhencë e shtuar mund të prodhojë një përplasje të fortë.
Nishani ka shtuar se kjo klasë politike është duke e rrezikuar edhe lëvizjen e lirë të popullit shqiptar.
