Ditën e sotme detaje të reja janë zbardhur lidhur me aksidentin tragjik të 24-vjeçares shqiptare që humbi jetën tragjikisht në Itali. Vajza mësohet se ishte nisur nga Italia për në Kosovë për të festuar Pashkët.
Sipas mediave italiane bëhet me dije se Donika Nikollbibaj ka humbur jetën si pasojë e plagëve të marra nga një aksident fatal i ndodhur në “Padernello di Paese”, në provincën e Trevisos në Itali.
Nga ana tjetër, mësohet se Nikollbibaj ishte nisur së bashku me motrën e saj drejt Kosovës të shtunën ku do të kalonin Pashkët me familjen. Mesa duket udhëtimi i tyre ka marrë fund aty kur makina u është përplasur me një kamion.
Motra 25-vjeçare që udhëtonte me të ka pësuar lëndime të lehta dhe tashmë është larguar nga spitali, ndërsa transportuesi, dëshmitar i drejtpërdrejtë i aksidentit, ka shpëtuar pa lëndime.
Makina me të cilën udhëtonin dy vajzat e drejtuar për në aeroportin e Trevisos. Makina u përplas me një kamion Iveco, i drejtuar nga një transportues venecian 35-vjeçar, që vinte në drejtim të kundërt të udhëtimit, nga Treviso në Castelfranco Veneto.
Së fundmi, bëhet me dije se sipas hetimeve të para të policisë së Trevisos, aksidenti është shkaktuar nga një devijim i papritur e 24-vjeçares tashmë të ndjerë që drejtonte Polo-n duke dalë në korsinë e kundërt.
