Duket si legjendë apo thjesht një teori konspirative. Por, megjithëse është harruar pak ajo që është thënë, këtë hipotezë e mbështesin dy fakte, fshati i lindjes ku ndodhet labidari dhe dëshmitë e banorëve të fshatit Achiada.
Vasko Evtov është një gazetar investigues maqedon, i cili në vitin 2011 transmetoi një dokumentar bombë, i cili mund të gjendet shumë lehtë në youtube me tekst të titruar në gjuhën angleze.
Por ç’thonë faktet? Nikolla Gruevski, kryeministri deri para një muaji i Maqedonisë, është nipi i Nikos Gruios, nga fshati Achiada që ndodhet 10 kilometra pranë kufirit me Maqedoninë.
Por ish-kryetari i komunës së Achiadës thotë të kundërtën. Sipas tij gjyshi i Nikolla Gruevskit është nga fshati Skopos dhe gruan e ka marrë në Achiada ku dhe u bë “kollovar” dhe ndenji deri sa e thirrën ushtar. Në Luftën e Dytë Botërore qeveria greke e thrri Nikosin si rekrut në luftën italo-greke.
Gjyshi i kreut të VRMO-DPMNE u vra në vitin 1940 pranë kufirit greko-shqiptar në zonën e Kolonjës. Më pas shpallet dëshmor dhe i ndërtohet një lapidar në fshatin Achiada.
Pas 70 vjetësh nipi i tij që fati e kishte bërë të mos lindë në Greqi, do të bëhej kryeminisri i Maqedonisë dhe do të ndiqte një politikë nacionaliste antishqiptare e antigreke.
Por për më shumë mund të ndiqni materialin filmik
/27.al/
