Një ish-doktor i një spitali në Nju Jork, ka sulmuar me armë brenda institucionit duke vrarë një mjek, plagosur 6 të tjerë, dhe më pas ka vrarë veten.
Autoritetet deklarojnë se ngjarja ka ndodhur për probleme që lidhen me vendin e punës.
Policia sqaron se personi i armatosur, i dentifikuar si Henry Bello ka hapur zjarr me një pushkë brenda një spitali në lagjen Bronx në Nju Jork, duke vrarë një mjek dhe duke plagosur 6 persona të tjerë, 5 prej të cilëve ndodhen në gjendje të rëndë.
Agresori, një ish-doktor i spitalit, gjithashtu vrau veten gjatë sulmit. Të shtënat filluan rreth orës 14:55 referuar orës lokale, në spitalin Bronx-Lebanon.
Policia deklaroi se i dyshuari mbante veshur një kostum të bardhë mjekësor kur u gjet. Në afërsi të tij u gjet gjithashtu edhe arma me të cilën u krye sulmi, një pushkë ushtarake M16.
Agresori ende nuk është emëruar zyrtarisht, por sipas mediave amerikane, ai është identifikuar nga policia si Henry Bello, 45 vjeç, ish-doktor i spitalit, i cili kishte dhënë dorëheqjen në vitin 2015.
Sipas autoriteteve, Bello është përpjekur të djegë veten dhe vdiq për shkak të plagëve të vetëshkaktuara.
