Nga Luljeta Progni
Donald Lu dhe Romana Vlahutin janë larguar nga Shqipëria me përshtypjet më të mira.
Një ditë para se të largohej nga Shqipëria, Vlahutin tha që këto katër vite shërbimi në Shqipëri kishin qënë një dhuratë e çmuar për të.
Thuajse të njëjtën përshtypje ndan edhe ambasadori Donald Lu, i cili tha në intervistën e tij të fundit që ishte dashuruar qysh ditën e parë me Shqipërinë.
Ata u larguan duke marrë me vete “suksesin” e madh për miratimin e reformës në drejtësi duke e quajtur të përmbushur misionin e tyre në Shqipëri.
Por, qytetarët shqiptarë janë zhgënjyer nga reforma. Anëtarët e institucioneve të reja të drejtësisë nuk janë siç u premtua.
Në këto instiucione, ka të akuzuar për korrupsion gjatë ushtrimit të detyrës së tyre si prokuror apo gjyqtarë, apo akoma më keq që vijnë nga gjyqet politike të kohës së diktaturës. Ka falsifikues dokumentesh që nga shkarkimet prej detyrës e deri tek çertifikatat e gjuhës angleze.
