Familjarët e të sëmurëve dynden në të vetmen farmaci pranë Qendrës spitalore për të blerë anestezinë me vlerë 60 mijë lekë
Nëse sot një i sëmurë duhet të bëjë ndërhyrje kirurgjikale do t’i duhet familjarëve të shkojnë të blejnë veç ilaçeve të tjera edhe anstezi. Kështu ka ndodhur sot në repartin e kardiologjisë në Qëndrën Spitalore Universitare në kryeqytet. Të sëmurët në pritje për të hyrë në sallën e operacionit janë orjentuar nga mjekët e infermierët, të blejnë anestezinë pasi në spital nuk ka.
![spitale skandal](https://27.al/wp-content/uploads/2016/03/spitale-skandal-352x335.jpg)
Familjarët e të sëmurëve janë të detyruar të blejnë vetë anestezinë, e cila kushton 60 mjë lekë dhe që gjendet vetëm në një farmaci pranë spitaleve, që për “rastësi” është në pronësi të babait të ministrit të Brendshëm, Saimir Tahiri.
Kjo është situata më alarmante, me të cilën është përballur ndonjë herë shëndetësia. Kushdo që dyshon në këtë konstatim mund të shkojë në spital dhe ta vërtetojë këtë ose le të dalë Ministria e Shëndetësisë dhe ta përgënjeshtrojë.
Në QSUT mungojnë shumica e ilaçeve bazike që shërbejnë për t’i dhënë pacientëve ndihmën mjeksore. Është fakt mungesa e infrastrukturës për të transportuar në kushte normale të sëmurët nga automjetet, me të cilat mbërrijnë në spital deri në pavionin ku do të shtohen për të marrë kujdesin shëndetësor. Pak ditë më parë, në media u publikua një video ku i sëmuri merrej zvarrë, kapur nga këmbët e duart për ta zhvendosur nga një autoambulancë deri në pavion. Kur hyn në pavion, i sëmuri i shtrirë përveçse duhet të presë rradhën e gjatë, përballet edhe me kushtet e mjerueshme në ambjentet e spitalit. Shumica e pacientëve që vijnë në QSUT me urgjencë, qëndrojnë në korridorin e spitalit, pasi ka mungesë shtretërish.
![reaminacioni](https://27.al/wp-content/uploads/2016/03/reaminacioni-540x304.jpg)
Ndërkohë që një aparat tensioni shëtit në katër katet e spitalit, ndërsa pacientët presin deri sa t’iu vijë radha. Nuk bëhet më fjalë për të plotësuar nevojat me ilaçe gjatë gjithë ditëve që pacientët qëndrojnë në spital. Askush nuk e ka më këtë pretendim, por që të mungojë edhe anestezia është kulmi i papërgjegjshmërisë në shërbimin shëndetësor.
Kjo është shëndetësia falas e minsitrit Ilir Beqaj dhe e kryeministrit Edi Rama.