Ish-kryeministri, Sali Berisha ka dalë në podium dhe po flet para sheshit të mbushur më mijëra protestues. Berisha iu drejtuar Ramës duke i thënë se iu tremb protestës dhe për këtë arsye ia mbathi nga Tirana. Ai gjithashtu tha se janë armiq me Ramën pasi sipas tij, ai ka ideal pushtetin, pushtetin dhe vetëm pushtetin.
“Qytetarë të mbarë Shqipërisë. Të dashur demokratë dhe demokrate, të dashur bashkëatdhetare, të ardhur nga mijëra kilomtra larg, zoti ju bekoftë ju dhe familjet tuaja. Sonte më shumë se kurrë mendjet dhe zemrat e shqiptarëve janë të drejtuara tek ju. Të dashur qytetarë dhe qytetare erdhët në këtë bulevard sepse iu thirri ora e lirisë. Shqipëria në rrezik ishte kushtrimi që iu ngriti në këmbë. Vëllezër dhe motra, jeni këtu sepse nuk pranoni që të jeni qytetarë të lirive dhe të drejtave të mohuara. Sot, pasarsdhësi i tyre, Edi Rama ia mbathi. Përsëri do ia mbathë, orët e tij janë të numëruara. Edi Rama, ne të dy sot jemi armiq, po pse? E rëndë dhe e hidhur të them këtë fjalë, por zemra ime tjetër fjalë nuk nxjerr, ti ke për ideal pushtetin, pushtetin dhe vetëm pushtetin. Kurse unë, kemi për ideal lirinë, lirinë dhe vetëm lirinë. Ne jemi armiq Edi Rama” – u shpreh Berisha.
