Ndërtimi i segmentit rrugor Korçë- Gramsh, dëmton varrezat e fshatit Popçisht.
Janë 10 varre të banorëve myslimanë dhe 27 varre të tjera që ndodhen në territorin e Kishës së fshatit, të cilat janë shkatërruar, duke nxjerrë në sipërfaqe eshtra dhe kafka.
Banorët të revoltuar kërkojnë ndërprerjen e punimeve dhe zhvendosjen e varrezave.
Ata thonë se eshtrat janë shpërndarë në rrugët e fshatit nga qentë. Një pjesë e tyre kanë përfunduar në përroin e fshatit. Asnjë masë nuk është marrë nga firma dhe vendorët, edhe pse banorët i kanë njoftuar një vit më parë për ekzistencën e varrezave.
Prokuroria e Korçës ka filluar hetimet për rastin pas denoncimit të banorëve. Hetimet janë pushuar me argument qesharak. Sipas prokurorisë së Korçës, banorët që kanë denoncuar, pretendojnë se janë dëmtuar varre ortodokse, ndërkohë që banorët e fshatit janë të besimit mysliman.
Të irrituar, banorët kanë tentuar të ndërpresin punimet, por nuk janë lejuar nga policia.
/Shqiptarja.com/
