I ftuar në A-Show në Syri Tv, përballë gazetarit Adi Krasta, analisti Mustafa Nano, ka komentuar edhe situatën politike në vend dhe pritshmëritë e tij për klasën politike dhe atë çka do të ndodhë nesër. Për Nanon gjendja në Shqipëri është në një përkeqësim progresiv në të gjitha planet e mundshme, por në krahun tjetër ai mendon se kemi të bëjmë me një opozitë e cila nuk ka ide.
“Ka pasur një përkeqësim progresiv në të gjitha planet e mundshme. Merrje frymë më mirë në kohën e para 10 viteve. Edhe sot e mendoj se kur ulem në tavolinë për të shkruar ndihem më mirë. Dhe jam penduar që fytyrën time e kam bërë publike. Unë përgjithësisht kam një marrëdhënie të vështirë me klasën politike shqiptare. Edi Rama është një nga përfaqësuesit më të rëndësishëm të gjeneratës së tij. Ashtu si edhe Sali Berisha, që është një njeri I lexuar. Në fund të fundit këta e përfaqësojnë më së miri shoqërinë shqiptare. Shoqëria shqiptare mund të bëjë atë që mund ta bëjnë edhe shoqëritë e tjera. Atë që po bëjnë në Biellorusi që janë çuar qytetarët, kursë këtu kanë dalë militanët e partive, jo qytetarët”, u shpreh Nano.
Nano thotë më tej se ajo që nuk i pëlqen te opozita është se janë shumë të dashuruar me pushtetin, jo me ide të caktuara.
Ndërsa për maxhorancën aktuale thotë se nuk kanë çfarë të japin më.
“Për mirë nuk besoj se kanë 8 vjet dhe e dimë se çfarë kanë bërë dhe çfarë do bëjnë. Dhe unë do të doja që të ngrinim zërin kundër një estabilishmenti që nuk ofron asgjë. Unë dua kryetarin e opzitës me ide. Rama ka një avantazh që është më i ditur dhe ka këtë përvojë 8 vjeçare. Edi Rana nuk është diktator është një poitikan i keq. Edi Rama me një mandat të tretë do bëhet i neveritshëm por nuk është i rrezikshëm“-tha Nano.
/syri.net
