Presidenti Ilir Meta pas konferencës për mediat që u mbajt në ambjentet e Presidencës, Meta ka takuar raporteren e Parlamentit Europian, Isabel Santos.
Përmes një postimi në rrjetet sociale, presidenti i shpreh mirënjohjen znj.Santos për ndihmën që institucionet europiane dhanë në ndihmë të Shqipërisë, duke shtuar se lakmia e mazhorancës për të kapur Gjykatën Kushtetuese, ndikon negativisht në procesin e negociatave për anëtarësimin me Bashkimin Europian.
Postimi i plotë Ilir Metës:
Kënaqësi të takohesha me raporteren e Parlamentit Europian, znj. Isabel Santos. Mirënjohës për ndihmën që institucionet europiane dhe vendet anëtare dhanë në ndihmë të popullit shqiptar.
Lakmia e mazhorancës për të kapur me çdo mjet antikushtetues Gjykatën Kushtetuese cënon integritetin e këtij institucioni kyç për llogaridhënien qeverisëse dhe kompromenton rëndë vullnetin e kësaj mazhorance për të çelur negociatat e anëtarësimit me Bashkimin Europian.
Miratimi i ligjit antikushtetues ditën e mbërritjes në Tiranë të Komisionit të Venecias dëshmon mungesën e thellë të respektit ndaj këtij institucioni ndërkombëtar, dhe fakton se qëllimi i vetëm i kësaj mazhorance është rikthimi i diktaturës përmes “mjeteve ligjore”.
