“U shkatërrua procesi mes mazhorancës dhe opozitës. Ata duan ta kontrollojnë gjithë procesin, por në fakt është ai, sovrani që vendos.”
Kryetarja e grupit parlamentar të PDIU-së, Mesila Doda lajmëroi klimë të nderë të marrrëdhënieve mes PS-së dhe PDIU-së, pasi deputetët e shumicës e rrëzuan kandidaturën e Idrizit për anëtar në komisionet Ad hoc për vetting-un. E pyetur nga mediat se cili do të jetë qëndrimi i PDIU-së në raport me vazhdimësinë e koalcionit me Ramën, Doda është përgjigjur që shumë shpejt do të ketë një vendim.
“Është çuditshme si erdhën dy kandidatura në emër të PS-së. Së pari, tentuan të kalonin PDIU-në si pjesë të opozitës. Por, ne kemi dy vjet që kemi kaluar në koalicion me PS-në. Ne nuk kemi patur ndërmend të bëhemi pjesë e kësaj farse. Pastaj zgjodhën këtë formë, pasi u shkatërrua procesi mes mazhorancës dhe opozitës. Dua të them që ata duan ta kontrollojnë gjithë procesin, por në fakt është ai, sovrani që vendos”- sqaroi ajo.
E pyetur nëse “djegia” e kandidaturës së Idrizit do të ndikonte në marrëdhëniet mes aleatëve dhe nëse PDIU-ja do ishte sërish në koalicion me Ramën ajo u përgjigj:
“Do kemi një vendim shumë shpejt. Do kemi një konsultim të gjerë më parë. Kjo nuk e ndihmon aspak marrëdhënien mes aleatëve, ishte një proces që u shkatërrua”- përfundoi Doda.
