Nga Durrësi, ku po zhvillon një takim me demokratët, Berisha ka sjellë në vëmendje çështjen e inceneratorëve. Kreu demokrat akuzoi SPAK se nuk po heton inceneratorët, nuk po merret me trungun, Edi Ramën, por merret me degët, si Lefter Koka dhe të tjerë, për të tejkaluar skandalin. Sipas Berishësh, SPAK po zvarrit hetimet, pasi prej kohësh Rama duhet të kishte përfunduar pas hekurave.
“SPAK nuk merret me trungun, se po të merret me trungun, “Rama boll vodhe dhe ik në qeli”, por merret me degët, se si ka shpërndarë Lefteri, se Lefteri ka vjedhur pa asnjë dyshim, por nga erdhi kjo aferë? Ai firmosi me negociata të mbyllura. Pra, ndodh gjithçka, por jo pse u akuzua, pse u hap çështja. Nuk hetohet, sepse duhet të hetohet Rama. Nuk ka njeri më të rrezikshëm se ky sot. Ky është rreziku i vërtetë i Shqipërisë. Sepse ky e di që nuk ka vend tjetër mbi tokë, përveçse në qeli.
Ngado që të sillet, vendi i tij i vetëm, është qelia. Nëse sheshi ushtoi boll vodhe, ik, ushtoi i tillë sepse ai e ka vendin atje. Ai e di këtë, ndaj çdo kohë që kalon, ai bëhet më i rrezikshëm për vendin dhe Shqipërinë. Misioni ynë është sa më parë të shpëtojmë Shqipërinë nga ky regjim”, tha Berisha. Ndërsa garantoi se opozita do të vazhdojë të denoncojë dhe nxjerrë fakte për këtë aferë gjigante.
