Ekzekutimi i ish-policit Xhelal Reçi në nëntorin e 2021 po shikohet nga hetuesit e policisë si pistë për të hedhur dritë mbi masakrën e Fushë-Krujës, ku mbeten të vrarë Brilant Martinaj, Dilen Vata dhe Arbër Hoxha. Ata po shikojnë më imtësi videon e vrasjes së ish-policit për të kapur ndonjë pistë që u ka shpëtuar (Shiko këtu për video).
Brilant Martinaj, 23 vjeç, viktimë e masakrës së Fushë Krujës ishte me precedent kriminal, i dyshuar për veprën penale “vrasja e kryer në bashkëpunim” dhe “armëmbajtje pa leje.” Ai dyshohet se ka qenë autor i vrasjes së efektivit të FNSH, Xhuliano Prela ngjarje e ndodhur në 2020 dhe të ish-policit Xhelal Reçi.
Sherret e të birit dyshohet të jenë shkak kryesor i ekzekutimit të Xhelal Reçit, biznesmen i njohur në Kurbin. Ish-polici njihej si pronar i një butiku dhe i një bar kafeje në Laç.
Në videon e siguruar duken autorët që dalin nga makina për të ekzekutuar ish-policin. Ende një vit nga kjo ngjarje asnjë person nuk ka rënë në pranga.
Por pavarësisht hakmarrjes së grupeve kriminale që vazhdojnë të marrin hak ndaj njëra-tjetrës me automjete të vjedhura dhe më tej me automjete që digjen duke lëne aty kallashnikove, edhe prokuroria e Lezhës dhe e Krujës nuk janë ende në gjendje të thonë nëse për krimet që ndodhen në këtë perimetër do t’i kalojnë për kompetence SPAK që gjithashtu ka kompetence të hetojë krimin e organizuar në vend.
30-vjeçari u plagos rëndë me armë, humbi jetën rrugës për në spital/ Autori në arrati, mbetet i plagosur vëllai i tij –
Policia e Gjirokastrës ka dhënë detaje nga vrasja që ndodhi mbrëmjen e sotme rreth orës 20:50, në Memaliaj, ku dyshohet...
