Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

#Më_thanë_se_atje_tej

Nga 27.al 0

#Më_thanë_se_atje_tej

Photo credit: Linda Walen (syrian children)

Më thanë se diku në një cep të tokës,
dikush ishte kujtuar për ne.
Më thanë se kishte qarë, jo më shumë sesa koha
që merr pirja e një cigareje,
e më pas kishte përhumbur në jetën e tij
mes idealeve të demokracive të rreme.
Më thanë edhe se diku, dikush kishte shkruar diçka për ne.
Për rrugët drejt parajsës që hapërdahen para syve
çdo minutë,
e më kujtojne se jeta ime vlen më pak
se një predhë prodhuar në Perëndim.

A ka bukë në Parajsë?
E nëse po, a do jetë nëna ime të ma japë vetë me dorën e saj?
Vëllezërve që mbetën nën rrënoja,
kush do ua pastrojë gjakun në fytyrë?
A do gjenden pëllëmbë të kësaj toke zjarr,
të varrosim trupat e njomë të fëmijëve
që u ushqyen vetëm me thirrje drejt Zotit.
“Allahu Ekber” i shoqëroi deri në shembje ndërtesash mbi rrashtat e njoma.
Mbi buzë, u mbeti thirrja,
si imitim ndaj të rriturve, atyre që Allahun
apo Zotin, si të doni quajeni,
me kohë e kanë vrarë.

Më thanë edhe se indinjata popujsh të bardhë
derdheshin mbi gërma të pafuqishme tastierash të armatosura.
Se burra shpirtzinj, jo prindër as baballarë ,
Por, djaj të veshur në kostume, shtrëngonin duart
në marrëveshje për dy bomba më pak mbi kokat tona.
Më thanë se dikush , diku atje tej,
ku buka e bardhë hidhej nëpër kazanë mbeturinash industriale,
ishte kujtuar për ne.
Por pasi ne, s’patëm nevojë më për ta.
Se në Parajsë, kujtimet nuk vyejnë .
As lutjet, e as e ardhmja, ndërtuar mbi ëngjëj të vrarë.
Ata vetëm qajnë, e më pas si çdo ditë,
zhduken në turmat e frymorëve të demokracisë rreme,
që marrin frymë, në mirëqënie ndërtuar mbi rrënoja,
Mbi toka të ujitura me gjak ëngjëjsh.

Liridon Mulaj (Qershor 2018)

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej