Një pedagoge në Fakultetin e Ekonomik në universitetin “Eqerem Çabej” në Gjirokastër, ka rezultuar pozitive me Covid-19. Për pasojë është mbyllur dega e ekonomikut në këtë Univerisitet.
Pedagogia dyshohet se virusin e ka marrë nga studentët e ardhur nga rrethet, ndërkohë që kishte simptoma si diare, temperaturë si dhe humbje të shqisave së nuhatjes.
Sakaq kujtojmë se në qytetin e Krujës në 24 orët e fundit janë bërë 28 testime, nga të cilat 4 rezultuan pozitive. Një shifër kjo më e ulët në krahasim me një ditë më parë ku u identifikuan 9 raste të reja. Mësohet e 4 rastet e sotme janë persona kontakti me rastet e mëparshme.
Kujtojmë se dje 2 pacientë 58 dhe 59 vjeç kanë ndërruar jetë në 24 orët e fundit në spitalin Infektiv në Tiranë, që sipas MSH-së kishin sëmundje shoqëruese dhe prej disa ditësh ndodheshin të shtruar në terapi intesive. Ndërkohë që ka një rënie të lehtë të numrit të rasteve të reja, ku nga 397 testime që janë kryer, 69 kanë rezultuar pozitiv me Covid 19.
Shpërndarja gjeografike e rasteve është si vijon: 24 raste në Tiranë, 9 në Krujë, 8 në Kukës, nga 5 raste në Vlorë, Berat, nga 3 raste në Elbasan, Lezhë, Kavajë, nga 2 raste në Shkodër, Kurbin, Korçë dhe nga 1 rast në Divjake dhe Lushnje.
