Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Pritet të mbyllet sërish transporti publik/ Urbanët plot me njerëz, disa pa maska

Nga Ejona 0

Në ditën e tretë të lëvizjes së autobusëve në Tiranë janë hasur disa problematika që konstatohen si nga vetë qytetarët ashtu edhe nga shoqatat e transportit publik.

Kjo e fundit paralajmëron rimbylljen, pasi të ardhurat nuk justifikojnë shpenzimet. “Me këtë numër të reduktuar pasagjerësh që ne kemi, çdo operator ka të ardhura të munguara në fund të ditës, të cilat nuk justifikojnë shpenzimet. Automatikisht kjo të çon drejt rimbylljes”, shprehet për A2 Rixhin Qoshja, kreu i shoqatës së transportit publik.

Por si ka qenë situata e transportit me urbanë, në 3 ditët e para? Ditën e hënë, qytetarët ankoheshin për mosrespektimin e masave të sigurisë. Punonjës të bashkisë së Tiranës inspektonin në brendësi të autobusëve për vendosjen e maskës, ndërsa numri i pasagjerëve ishte i ulët, ndonëse ishte fillim javë dhe pritej fluks lëvizjesh.

Ditën e martë, punonjësi i bashkisë ishte dislokuar në Kombinat. Qytetarët e Kombinatit që përdorin autobus duket se ishin të ndërgjegjshëm për respektimin e masave të sigurisë, por tek Gjendja Civile dukej qartazi shpërfillja e distancave fizike. Edhe në linjën e Tiranës së Re, vihej re një numër i ulët pasagjerësh, ndërsa duhej më shumë se 30 minuta për të mbërritur autobusi i radhës.

Linja e Institutit të Kamzës funksiononte gjithashtu me 50% të kapacitetit, ndërsa ata që uleshin në një sedilje, e kishin një arsye. Në Unazë kishte mungesë qytetarësh dhe për rrjedhojë distanca fizike ishte e siguruar. Situata ndryshonte disi mëngjesin e së mërkurës, ku kishte edhe qytetarë që nuk gjetën vende, por detyroheshin të qëndronin në këmbë, siç ndodhte me linjën e Kamzës apo të Kombinatit.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej