Mbështetës të opozitës janë ngritur në protestë pak momente më parë në rrugën Shkodër-Lezhë.
Nën thirrjet “Rama ik”, “Rama mafioz” protestuesit kanë bllokuar autostradën në pritje të kryeministrit Edi Rama, që pritet të mbajë një takim në kuadër të fushatës elektorale të 30 qershorit në qytetin e Shkodrës.
Në vendngjarje kanë mbërritur forca të shumta policie, por situata është tensionuar pasi protestuesit e opozitës janë përplasur me ta.
Ndërkohë nga momenti në moment pritet që të kalojë Rama, i cili ka organizuar një takim elektoral në qytetin e Shkodrës, ndonëse bashkia nuk i ka dhënë leje.
Opozita ka organizuar edhe një protestë kundër Ramës në Shkodër, ndërsa pak momente më parë, kryebashkiakja Voltana Ademi tha se i kishte propozuar policisë që të mbanin qetësi, pasi edhe protetsuesit do të marshonin paqësisht.
