Debatet në takimin e djeshëm të krerëve të koalcionit të majtë, Rama-Meta- Idrizi
Të gjitha palët janë dakord për ngritjen e Byrosë Kombëtare të Hetimit, por mungon një draft për këtë çështje. Mazhoranca dhe opozita nuk e kanë aktualisht një të tillë dhe janë në pritje të një drafti të mundshëm nga ambasadori amerikan, Donald Lu. Burime nga takimi i djeshëm mes krerëve të mazhorancës, Rama, Meta e Idrizi në vilën 30, bëjnë të ditur për 27.al se në takim është diksutuar pikërisht për këtë problem.
Pas rrëzimit të draftit të qeverisë nga Kushtetuesja nuk ka ende një të ri nga mazhoranca. Gjithashtu PD, e cila kërkon me ngut votimin e këtij institucioni, nuk ka një draft të vetin. Pjesë e diskutimit të djeshëm në takimin e krerëve të shumicës ishte edhe çështja e varësisë së Byrosë Kombëtare të Hetimit, tek Ministria e Brendëshme apo tek Prokurori i Përgjithshëm.
Gjatë diskutimit, kryetari i LSI-së Ilir Meta, i mbështetur edhe nga Idrizi i PDIU-së, kanë propozuar që në momentin kur një draft të jetë gati, të miratohet si ligj i zakonshëm. Por për momentin i gjithë problemi është se çfare do bëjnë liderët e mazhorancës dhe opozitës, kur të gjithë janë dakord mbi diçka që nuk ekziston.
