Maturantët e ekselencës të thirur sot në Kryeministri, kanë “sulmuar” ministren e Arsimit dhe Sporteve, Lindita Nikolla. Dy gjimnaziste me rezultate shumë të mira, njëra nga Laçi dhe tjetra nga Dibra thanë se nuk kanë fituar degët e dëshiruara në Mjekësi, por ministrja iu kujtoi se për to do kishte një shans të dytë ndërkohë që Rama u është përgjigjur se kanë fituar më të mirët.
Gjimazistja: “Unë jam një maturante nga Laçi. Dhe në tre vite kam zgjedhur lëndët më të vështira, Matematikë e Avancuar dhe Fizikë e Avancuar, por nuk munda të fitoj degën që dëshiroja, në Mjekësi…”
Nikolla:“Në Mjekësi janë rankuar sipas meritës, mbi ty s’ka rast të jetë një student i rankuar me një notë më të ulët. Ti shumë mirë ke bërë që ke studiuar Matematikë të Avancuar.”
Gjimnazistja: “Jam një maturante nga Dibra, kam 3 vite që kam studiuar ëndrra ime është Mjekësia dhe Farmacia. Kam fituar Drejtësi dhe Infermieri, Më duket shumë pak për mesataren që kam!”
Nikolla:“Ke fituar dy preferenca, ke ende mundësinë për të fituar. Numri i kuotave do rishikohet. Nëse viza zbret në Mjekësi dhe ti je një nga maturantët më mesatare të lartë je ende në garë. Sistemi edhe pse ke fituar ende të lë në garë.”
Edhe kryeministri Rama i është përgjigjur pyetjes së maturantes nga Dibra.
Rama:“I them dy fjalë asaj vajzës që tha dua të shkoj në Mjekësi, por nuk shkoj dot. I them se “kjo ka ndodhur për një arsye më të thjeshtë, sepse ata që kanë shkuar në Mjekësi janë më të mirë. Pasi edhe mes më të mirëve, ka më të mirë. Pasi edhe një ndryshim me presje dhjetore, bën diferencën. Edhe ata që do vinë më pas, duhet ta dinë mirë, se për të shkuar në Mjekësi duhet të jesh më i mirë. Duhet të jesh Gjermani, Italia, (po edhe kjo nuk ishte mirë vitet e fundit)”.
Gjimnazistja:“Jam nga Elbasani; kam fituar të gjitha degët, por kam miq që si kanë fituar ato që donin. Nuk mendoni që jemi penalizuar pasi sistemi ndryshoi në vitin e fundit.”
Nikolla:“Deri në fund do jetë ulur viza në universitet. Ju ekselentët jeni ata që qartësoni rezultatin. Asnjë rregull nuk ka ndryshuar në mes të lojës. Unë ju siguroj që janë bërë të gjitha projeksionet, analizat që nga ky ssitem askush nuk penalizohet.. Pa krijuar iluzion të presim rezultatin e universiteteve. Kryeministri e tha nuk zgjodhëm ata që janë rankuar si më të mirët, por zgjodhëm më të mirët e Maturës Shtetërore që nuk janë penalizuar, por kanë fituar degët që kanë dashur…Do bëjmë gjithçka që kjo skemë të mos ketë asnjë penalitet.”
