Ministria e Arsimit pritet të marrë një vendim të rëndësishëm për fatin e mijëra maturantëve që për shkak të zerimit të pikëve për gruplëndët me zgjedhje nuk u shpallën fitues në fazën e parë në Universitete raporton Ora News. Burime të sigurta pranë televizionit informativ bëjnë me dije se në kriteret e pranimit në fazën e dytë do të reflektohen propozimet e LSI. Formula e re do të sjellë rillogaritje të pikëve të lëndëve me zgjedhje dhe një fazë të tretë për maturantët që nuk shpallen fitues në dy fazat e para.
Ministria e Arsimit është në prag të një ndryshimi të rëndësishëm që lidhet me kriteret e pranimit në universitete ne fazën e dytë. Burime nga ministria e Arsimit bënë të ditur se pritet të ketë rishikim të llogaritjes së pikëve për gruplëndët me zgjedhje si socilogji, psikologjik, filozofi të cilat në këtë fazë të parë në programe të caktuara janë llogarit me 0 pikë duke penalizuar në mënyrë masive maturantët për t’u shpallur fitues.
Ky është një nga propozimet kyçe të LSI, dorëzuar në tryezën e zonjës Nikolla një ditë më parë nga 2 deputet Monika Kryemadhi dhe Kejdi Mehmetaj.
Gjithashtu, nuk do të ketë vetëm 2 faza të aplikimeve dhe shpalljes së fituesve, burime thonë se do të ketë dhe një fazë të tretët për kuotat që mbeten bosh nga fazat parardhëse.
Gjithashtu në takimin e zhvilluar një ditë më parë në Ministrinë e Arsimit, dy zyrtarët e larta të LSI kërkuan edhe ngritjen e qëndrave më të specializuar në universitete dhe shkolla në gjithë vendin për të informuar plotësisht maturantët për mënyrën se si procedojnë në fazat e ardhshme.
Ndryshimet e kritereve të pranimit të universiteteve vijnë pas propozimve të grupeve të interesit dhe pas shqetësimeve të vazhdueshmë të maturantëve që edhe pse me mesatare të lartë nuk u shpallën fitues në asnjë nga programet e studimit në fazën e parë. Ata u moren në mbrojtje nga partia e dyte ne qeverisje e cila i kushtoi edhe mbledhjen e forumit të lartë të saj Kryesisë për këtë çështje.
