Pas vendimit të qeverisë Rama për të plotësuar kërkesën e Greqisë e cila prej kohësh ka këmbëngulur të varrosë ushtarakë grekë të rënë në Shqipëri gjatë luftës greko-italiane të viteve 1940-1941, ka reaguar ish-ministri Manjani.
Ylli Manjani, përmes një postimi në rrjetin social Twitter shprehet se Rama duke përfituar nga mjegulla kushtetuese ka vendosur të ndërtojë varreza greke në Korçë.
“Në mes të mjegullës së puçit Kushtetues, kryeujku vendosi të ndërtojë varrezat greke në Korçë! Ashtu si në Kosinë, pritet që të ketë një “boom” ekonomik nga tregëtia e kockave edhe atje… Mirë politikanë, po a ka historianë analistë e qytetarë ky vend apo jo?! Asnjë s’flet më!”, ka shkruar Manjani.
Vendimi për varrezat greke është marrë nga Kryeministri Edi Rama më 13 dhjetor 2017 dhe për zbatimin e tij janë ngarkuar prefektët. Ekseprtë nga Greqia do të punojnë bashkë ekspertët shqiptarë për zhvarrosimin dhe identifikimin e kufomave. Po ashtu, më 28 nëntor, grekët e rënë do të përkujtohen me ceremoni.
