Ish-ministri i Drejtësisë Ylli Manjani ka reaguar pas deklaratës së kreut të grupit parlamentar socialist Taulant Balla, i cili tha se autori dhe regjizori i audiopërgjimit për vëllanë e Fatmir Xhafajt është Lulzim Basha, duke shtuar se ai e ka kthyer PD në një organizatë mafioze të rrezikshme.
Përmes një postimi në Facebook, Manjani shkruan se PD që denoncoi na qenka Mafia, kurse qeveria që trafikon drogë e mbron trafikantë na qenka legjitime!
Postimi i plotë
Ua ua ua ua ua!
Rrodhën fare!
Denoncimi i trafikut dhe i trafikantëve! Denoncimi i mashtrimit publik që bëri Kryeministri dhe Ministri i Brendshëm, na qenka bërë nga Mafia!
Budallëk më të madh nga ky nuk na kishin zënë veshët!
Budallëku e rrjedhja e trurit vijon më tej! PD që denoncoi na qenka Mafia, kurse qeveria që trafikon drogë e mbron trafikantë na qenka legjitime!
Budallëku vijon edhe më tej akoma. Qeveria e drogës na i dashka bisedimet në BE. Ndërsa opozita që denoncon drogën, qenka kundër!
Budallëk e shkuar budallëkut!
Luajtën nga fiqiri!
O Zot na ruaj nga budallëku!
