Ministrja e Shëndetësisë, Ogerta Manastirliu, ka bërë me dije se në kuadër të përballimit të situatës së krijuar nga koronavirus ku deri më tani në vendin tonë ka shënuar 104 të infektuar dhe 4 viktima, përpara Urgjencës së QSUT tashmë ka nisur ngritja e çadrave të triazhit mjekësor.
“Kemi vendosur ngritjen e çadrave të triazhit mjekësor, përpara Urgjencës së QSUT dhe përpara Urgjencës së Spitalit të Traumës. Aktualisht po përfundon trajnimi i ekipeve që do të vendosen në shërbimet e triazhit në çadra.
Po lidhim kontratën për blerjen e 54 respiratorëve dhe vijojmë procedurën për 100 respiratorë të tjerë, që do të mbërrijnë sipas një kalendari të mirëpërcaktuar”, u shpreh Manastirliu.
