Ambasadori amerikan në Tiranë, Donald Lu është shprehur se Shqipëria do të hyjë në BE, thuhet në një postim të bërë nga Ambasada Amerikane.
Lu e sheh të ardhmen europiane të Shqipërisë të udhëhequr nga të rinjtë energjikë e mendjehapur.
“Unë besoj se Shqipëria do të hyjë në BE dhe do të doja që secili prej jush të udhëhiqte Shqipërinë drejt së ardhmes. Ju jeni të rinj, plot energji, me mendje të hapur dhe ju e doni vendin tuaj”, u tha Ambasadori Lu një grupi nxënësish të shkollës së mesme nga Rrësheni gjatë programit Njihu me Amerikën.
