Kryetari i opozitës ka reaguar pas vendimit të Gjykatës Kushtetuese për të hequr mandatin e Kokëdhimës
Triumf të ligjit në ditën e drejtësisë, e kanë cilësuar demokratët vendimin e Gjykatës Kushtetuese për të hequr mandatin deputetit socialist, Koço Kokëdhima. Përmes një deklarate për emdiat, kryetari i PD-së, LulziM Basha, përshëndeti vendimin e Kushtetueses duke e cilsuar si një betejë tjetër të fituar përballë mazhorancës. “ Vendimi i Gjykatës Kushtetuese për heqjen e mandatit të Koço Kokëdhimës është një triumf i ligjit dhe i drejtësisë, edhe pse paligjshmëria dhe zullumi i oligarkëve është i pamatë e i pafund, e nuk mbaron me të dekretuarin prej Ramës si kryeministri i Jugut. Megjithatë, kjo është një betejë e fituar e Kushtetutës me shkelësin e saj, e ligjit me abuzuesin, e Partisë Demokratike me oligarkun, e qytetarëve me hajdutin. Ky është vendim drejtësie në Ditën e Europës”, theksohet në deklaratëne PD-së.
