Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kukësi qyteti më i varfër në Shqipëri, por shpenzon më shumë për arsimin

Nga Media 0

Një nga shprehjet më të famshme mbi rëndësinë e arsimimit thotë se “Nëse mendoni se edukimi është i shtrenjtë, provoni injorancën”. Shpenzimi për arsimin është një nga zërat me peshë në totalin e shpenzimeve të familjeve shqiptare, por ato varjojnë nga qarku në qark.

Bazuar në të dhënat e Anketës së Buxhetit të Familjeve, Monitor ka përpunuar renditjen e qyteteve që kanë peshën më të lartë dhe më të ulët të shpenzimeve për arsim në raport me totalin.

E ndërsa thyenin rekord për shpenzimet në restorante (rreth 9.5% e totalit të shpenzimeve), shkodranët renditen të fundit për sa u përket shpenzimeve për arsim, me rreth 1.1%.

Por ndryshe ndodh me Kukësin, qarkun më të varfër të vendit.  Për familjet kuksiane shpenzimet për arsim kanë një peshë të konsiderueshme në totalin e shpenzimeve që ato bëjnë, me rreth 9.1% të totalit, dhe renditet i fundit me rreth 1.1% për shpenzimet për restorante.  Mesatarja kombëtare e shpenzimeve të familjeve për arsim ishte 3.9%.

Pas Kukësit, qarku që shpenzon më shumë për arsim është Fieri, me 6.8% ndaj totalit. Më pas renditet kryeqyteti, Tirana me 5.2% të totalit të shpenzimeve për arsim dhe Lezha me të njëjtën peshë të shpenzimeve.

Me një diferencë të ngushtë nga mesatarja kombëtare renditet Korça me rreth 3.1% të totalit të shpenzimeve për arsim.

Durrsakët dhe gjirokastritët shpenzuan për arsim përkatësisht 2.4 dhe 2.3%  të totalit të shpenzimeve të tyre. 

“Qarqet më dorështrënguar për arsimin”

Rreth 1.6% e shpenzimeve totale kanë qenë shpenzimet për arsim në Elbasan, Dibër dhe Berat. Ndërsa qarqet me shpenzimet më të ulëta për arsim janë Vlora me rreth 1.4% të totalit dhe Shkodra me 1.1%. 

Pesha për shpenzimet në arsim ndryshoi në disa qarqe

Në 2016-n shpenzimet për arsim në qarkun Kukës ishin rreth 6.5% e totalit të shpenzimeve. Pesha e shpenzimeve për arsim u rrit dhe në qarqet e tjera të vendit. Në Fier shpenzimet për arsim u rritën nga 5.1% në 6.8%, në Lezhë nga 3.1 në 5.2% në vitin 2017.

Por shpenzimet për arsim ra në mënyrë të ndjeshme në Gjirokastër. Qarku i Gjirokastrës po përballet me një ritëm të shpejtë të plakjes së popullsisë, gjë e cila ka ndikuar në uljen e peshës të shpenzimeve për arsim. Ulje të peshës ka pasur edhe qarkun Dibër, ku një vit më parë shpenzimet për arsim zinin rreth 5% të totalit.

Ndërsa në Shkodër që ka peshën më të ulët për shpenzime për arsim, në 2016-n pesha ishte rreth 3.4%.

http://www.monitor.al/qytetet-shqiptare-qe-shpenzojne-me-shume-per-arsim/

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej