Kryetarja e LSI, Monika Kryemadhi në një takim me strukturat e LSI në qarkun e Durrësi ka sulmuar kryeministrin Edi Rama, duke e cilësuar si një rrezik kombëtar.
Kryemadhi tha se strukturat e shtetit u bën njësh me bandat dhe se sot Shqipëria drejtohet nga krimi i organizuar.
“LSI në Durrës përjetoi terrorin më të madh gjatë fushatës, por arriti ndër rezultatët më të mira në Shqipëri. Strukturat e shtetit u bënë njësh me bandat dhe krimin e organizuar. Ne zgjodhëm të ishim në opozitë, sepse nuk mund te bëheshim njësh me krimin. Sot Shqipëria drejtohet nga bandat dhe krimi i organizuar. Kemi përballë dy rrugë: të bashkëjetojmë me llumin dhe krimin që po instalon Edi Rama, apo të zgjohemi dhe të sensibilizojmë njerëzit. Edi Rama është jo vetëm rrezik kombëtar, por edhe rajonal”, tha Kryemadhi.
