Kryetarja e LSI-së, Monika Kryemadhi, ka komentuar sot gjatë një deklarate për mediat protestën e zhvilluar dje nga opozita. Sipas saj qytetarët tashmë kanë kuptuar mashtrimet e qeverisë. Kryemadhi tha se pjesëmarrja masive në protestë tregoi se qytetarët e kanë kuptuar tashmë që janë grabitur për 8 vite nga qeveria Rama. Sipas saj vetëm kjo qeveri po përdor taksat dhe punët e qytetarëve për të pastruar paratë e pista.
“Pjesëmarrja në protestën e djeshme është se qytetarët kanë kuptuar mashtrimet dhe grabitje të e qeverisë. Pasi po i grabit çdo ditë me inceneratorët i ka grabitur identitetin, duke vendosur pensionistë të pafajshëm, njerëz që presin ndihmën ekonomike në listën e përfituesve. I bëj SPAK që mos ta zgjasë më kontratën. Çdo ditë që zgjatet kontratat, i grabitet shqiptarëve 80 mijë dollarë në ditë. Ajo që dua të theksoj është se vepra penale e inceneteratorit të Tiranës, deri në sekondën e fundit quhet vepër penale. Veliaj nuk shpëton deri në sekondën e fundit të këtij koncesioni 30 vjeçar. S’ka njeri që t’i grabisë shqiptarët me një firmë të vetme dhe ti detyrojë ata që ti mbajë peng me një koncesion 30 vjeçar dhe ti përdorë paratë për lobingje, apo për pastrim parash”, tha ajo. Sakaq, kryemadhi u shpreh se protestat do të vazhdojnë deri e largimin e këtij regjimit.
