Kryeministri Edi Rama dhe kryetari i Kuvendit Ilir Meta u takuan paraditen e sotme në Kryesinë e Kuvendit. Takimi ka nisur rreth orës 10 të mëngjesit dhe ka zgjatur rreth 45 minuta.
Takimi është zhvilluar në një kohë kur situata mes koalicionit PS-LSI është e tensionuar. Ministrat e LSI, Ylli Manjani dhe Lefter Koka vetëm pak ditë më parë kanë akuzuar Ministrin e Brendshëm Sajmir Tahiri lidhur me situatën e krimit dhe kanabisit në vend.
Por deklarata më e fortë ka qënë ajo e Kryetarit të Kuvendit Ilir Meta i cili ka dërguar kërkesë Presidentit për mbledhjen e Këshillit të Sigurisë për shkak të Kelmend Balilit. Në kërkesën e Metës artikulohej se institucione si Policia kanë dështuar në kapjen e të shumë kërkuarit Balili.
