Kristi Maze, djali 10 vjeç nuk ia ka dalë dot dhe ka ndërruar jetë në mëngjes në një nga spitalet italiane në Bergamo. Vogëlushi u largua në orën 7 të mëngjesit, pasi kishte rënë në koma. Sipas mjekëve operacioni pati komplikacione të enëve të gjakut.
Prej katër muajsh Kristi ndodhej në Itali, pas një periudhe të gjatë mundimesh në QSUT në Tiranë, teksa pristi për të shkuar jashtë shtetit, në Turqi. Por, falë një fushate sensibilizuese të NEWS 24 u arrit të mblidhej një shumë e madhe rreth 170 mijë euro që bënë të mundur transplantin e mëlçisë në Itali. Por, pas 12 orësh operacion, Kristi nuk ia doli dot, duke shkaktuar hidhërim të pamatë tek familjarët, por edhe tek njerëzit e thjeshtë që mësuan për betejën e tij të vështirë.
